Det norske sommarvêret skiftande, og det er ikkje lett å vite når det er lurast å ta ut ferie for å få flest mogleg soltimar og gode temperaturar.
Klimaavdelinga ved Meteorologisk institutt har kikka på historia: Når seier statistikken at du helst bør ta ferie?
Fellesferien vart bestemt etter klimastatistikk
– Det er lenge sidan fellesferien vart stifta, men heldigvis viser gammal klimastatistikk ca. det same som nyare – at været statistisk sett er best frå veke 28–29 og utover, fortel Jon Smits til Reiseradioen (frå 0.35).
– Talla viser statistikk, altså gjennomsnitt. Nokre gonger vil vêret vere dårleg desse vekene, eller bra før og etter. Dersom du tek ferie dei same vekene kvart år, har du du størst sjanse for bra vêr, poengterer Meteorologen.
BADETEMPERATUR: Om du dyppar tærne i eit fjellvatn, i ishavet i nord eller utanfor ei brygge på Sørlandet, er det august som gir best sjanse for gode badetemperaturar.
Foto: @veronikasu/InstagramJohn Smits summerer opp statistikken slik:
– Vil du ha lengst mogleg dagar og kortest netter er det lurt å velje vekene rundt sommarsolkverv. Dersom det er klarvêr er det då du kan få desidert flest soltimar, slår Smits fast.
- Sjå prognosane for juli her
For dei som er på jakt etter varmen er det vekene 29, 30 og 21 som gjeld.
PROGNOSE: Årets juli kan sjå ut til å bli kaldare enn normalt i Sør-Noreg, medan Nord-Noreg kan halde på temperaturar noko høgare enn dei er vant til.
Foto: Meteorologisk institutt– Om du vil gå i fjellet er det lurt å vente til august, i juni kan du måtte vasse i snø, kommenterer meteorologen.
Har du ikkje plass til gummistøvlar i sekken? Då er første del av juni eller siste del av august statistisk sett tørrare periodar å ta ferie.
Men sidan Noreg er kjempelangt, er det stor forskjell på når det er varmast i Karasjok og Mandal.
Her kan du sjå korleis sommarvêret har vore i ditt område gjennom tidene:
I Midt- og Nord-Noreg går det igjen at nedbøren tek seg opp utover sommaren. Veke 31–34 har høgst nedbør i desse områda.
Naturleg nok er det litt kaldare tidleg på sommaren. Så dersom det er varme du er ute etter, kan det sjå ut som at det er rundt veke 29–30 du bør satse på.
Også på Vestlandet er det typisk med tørrare vêr tidleg på sommaren. Veke 33, 34 og 35 går igjen som våte veker.
Typisk for vestlandet er det kaldt tidleg på sommaren, som veke 22 og 23. Rundt veke 30 og 31 har temperaturen ofte vore litt høgare.
På Aust- og Sørlandet går veke 28 igjen som ei spesielt våt veke. Når det kjem til varmen e det veke 30 som stikk seg litt fram.
– Koplinga mellom høgast temperatur og ikkje for mukje nedbør ser ut til å vere omkring veke 29, 30 og 31, meiner meteorolog Anne Solveig Andersen.
