– Dette får vi meir av

Dei siste døgna har det vore vasskaos på Austlandet. Ei kvinne måtte reddes ut av ein oversumt bil, butikkar har blitt oversumt og i Rjukan vart menneske evakuert frå heimane sine på grunn av rasfare.

No har vatnet sokke, og uvêret er over for denne gong. Men ikkje slepp skuldrene for langt ned. Vi får meir av dette vêret i framtida.

– Balansen endrar seg

Det er slett ikkje første gong det regnar mykje på kort tid her i landet, og det blir heller ikkje den siste. Dei seier statsmeteorolog Bente Wahl.

Ho lagde «værmeldingen 2050» saman med klimaforskarar frå Meteorologisk institutt, og har sett seg inn i kva vi kva vêr vi kan vente oss om kloden blir to grader varmare.

– Det ser ut som at dette vêret kjem oftare og oftare, seier Wahl.

Vi vil også merke at regnet oppfører seg annleis enn før. Det kan bli vått stader der det før har vore lite nedbør, og tørt der det før har vore vått.

– På verdsbasis ser vi at balansen forskyves. Vi har alltid hatt variasjonar i klimaet og vêret, men vi har ikkje opplevd at endrar seg så fort, fortel meteorologen.

Raske endringar i klimaet kan by på utfordringar i framtida, meiner meteorologen.

I områda som vart råka i dette uvêret kan det bli større utfordringar med mykje nedbør i tettbygde strøk.

– Når vi planlegg vegar og bygningar må vi tenke langt fram i tid, og ta høgde for ekstreme vêrforhold.

• Les også: Det som skjer er skummelt

Varmare og våtare

Den totale nedbøren i landet har auka med 20 prosent sidan målingane starta i 1900. Det er store variasjonar frå år til år, men trenden er klår: vi får meir av det våte.

Ein av faktorane som kan ha gitt meir nedbør, er at jorda har blitt varmare.

– Temperaturendringa gjer at lufta vil innehalde meir vassdamp, fortel klimaforskar ved Bjerknessenteret i Bergen, Ellen Viste.

Ho forklarer den vitskaplege orsaka til at kan varmare luft kan gi våtare vêr:

Kor mykje vassdamp lufta kan innehalde varierer med temperaturen.

– Det er sju prosent meir metta vassdamp i lufta for kvar grad temperaturen stig, fortel klimaforskaren.

Altså kan varm luft innehalde meir vassdamp enn kald luft.

Meir vassdamp i lufta er meir fukt som kan kondensere til vassdropar og falle til jorda som regn.

Uvisse konsekvensar

Regn er ein liten del av det store vêrbiletet. Forskarane jobbar stadig med å finne ut kva konsekvensar endra klima vil få for oss i framtida.

Statsmeteorolog Bente Wahl påpeiker at sjølv om klima må sjåast over lang tid, er ein ting sikkert:

– Vi er ikkje i tvil om at det blir meir vêr!

• Se hvor mye våtere din del av Norge har blitt