– Det skjer mykje rart..

Og vi snakkar ikkje om nissar og førjulsmagi, men om vêret den første desemberveka. Det er typisk, ustabilt førjulsvêr i vente, fortel meteorologen.

Nord-Norge i vinterlys

I nord er det venta mest nedbør i Nordland, litt mindre i Troms og minst i Finnmark denne veka. Det kan bli varierande skybilde, og det er sjans for å sjå meir av dette vakre lyset innimellom i nord.

Foto: @fru_elin / Instagram

Tysdag er det første dag i julemånaden desember. Veka blir prega av ustabilt førjulsvêr, fortel meteorologen.

– Det vi er sikre på er at det blir mildt og ustabilt, fortel meteorologen.

I Rogaland fekk den ustabile lufta eit uvanleg fenomen til å oppstå:

Kald- og varmluftskræsj i Atlanteren

I Nord-Atlanteren er kalde og varme luftmassar næraste naboar med kvarandre. Dei

Geir Ottar Fagerlid

– Det blir både hund og katt, seier statsmeteorolog Geir Ottar Fagerlid om vêret denne veka. Spesielt Vestlandet får merke til lågtrykka som kjem inn frå Atlanteren denne veka.

Foto: Meteorologisk Institutt

møtes rett ved jetstraumen, og resultatet blir kraftig lågtrykksutvikling.

Det gir vestavêr med mild luft og mykje nedbør inn mot norskekysten, fortel meteorologen. Vestlandet og i Trøndelag kan vente seg den verste støyten av nedbøren.

I fjellet blir det mykje påfyll av snø, men i låglandet vil det framleis vere blautt og brunt på bakken.

– Måndag, tysdag og torsdag er det venta låg snøgrense. Men onsdag og når det nærmar seg helga blir det veldig mild luft frå vest og ein del nedbør, fortel Geir Ottar Fagerlid ved vêrvarslinga på Vestlandet.

– Ein vil i alle fall sleppe å måke snø, det er sikkert mange som er fornøgde med det!

Aking på snø

Meir snø i høgda, regn i låglandet er meteorologen sin dom for denne veka.

Foto: @berithoyland / Instagram

Nord i landet er også starten av veka best, med opphald og snø i indre strøk. Onsdag vil ein regnfront breie seg frå Nordland, og torsdag er den venta å nå Troms og Finnmark.

Der blir den fort kvitare i forma, med sludd i låglandet og snøbyer i høgare oppe.

Rafael Grote ved Meteorologisk institutt i Tromsø fortel at helga ser litt grå ut også i nord.

– Fredag ser det ut til at eit lågtrykk blir liggande sør for Bjørnøya, og det blir sterk pålandsvind. Det vil gi ein del byer langs kysten. Laurdag kjem det eit nytt system, med nedbør og regn som etter kvart blir til sludd og snø i nord.

– Meir enn nok snø i fjellet

Lengst sør i landet har helga og starten av veka vore vindfull med regnbyer på kjøpet. Det vil roe seg i løpet av tysdag, men fronten som når landet onsdag vil også bli merka der.

– Det blir beskjedent med nedbør som kjem til Austlandet, fortel Øyvind Johnsen ved Meteorologisk institutt i Oslo.

Han fortel at Austlandet vil få opphald og sol i mellom regnbyene heile veka, medan det er litt gråare lenger sør. Sidan vêret kjem frå vest vil det komme mykje snø i fjellet.

– Det vil nok bli meir enn nok snø og snøbyer i fjellet framover. Onsdag kan snøen bli litt krammare og køyretilhøva kan bli vanskelege i fjellet, avsluttar meteorologen.